SMS / Text Messages

Mohabbaton k baad bhi..

Main usay kaise aikaila chor don is rah main
sath jo chalta raha majboriyon k baad bhi.

ban k khusboo rach gya hy yun mere ehsas main
door ho paya nahi woh dooriyon k bad bhi

rafta rafta us ko bhi ye duniya ra'as aa gye
muskra k woh mila hy ranjishon k bad bhi

fasly kb kum howay hain rabton k bad bhi
ajnabi thay ajnabi hain "mohabbaton" k baad bhi

Tere naam

Surkh gulab k sare mausam tere naam,
Har subha ka pehla ujala tere naam,

Teri yaad ka behta darya mere liye,
Behti jheel main phool KANWAL ka tere naam,

Jitnay khawab Khuda ne mere naam likhay,
Un khawabon ka resha resha tere naam,

Tere bina jo umr betai beet gai,
Ab is umr ka baqi hisa tere naam

Sada Muuskurate raha Karo

Meri Laghzishen na Chuna karo
Meri Ghaltiyan na Gina Karo,

Ye Qadam Qadam ki Hudood kya
Mere sath sath chala karo,

main khulay mizaj ka shakhs hoon
main takallufat se Marwa,

ye jo Mehrbani ka lafz hai,
ise tum na mujh se kaha karo,

Kahin tum na ho jao besakun
koi Bad'dua na tumhain lage

ye jo khoye khoye se log hain
inhe dekh kar na hasa karo

ye dua hai Rab-e-Rahim se
Teri Tazgi ko khizan na ho

ye bahar tujh se jala kare
sada muskurate raha karo
Sada muskurate raha karo....

Barsaat Reh Gai..

Mil Kar Bhi Ussay Hasrat-E-Mulaqat Reh Gai,
Baadal To Ghar Aaey thay Barsaat Reh Gai,

Wo Aaj Yun Mila K Hamain Janta Na Ho,
Lab To Meray Khulay Thay Magar Baat Reh Gai,

Mai Haar K Bhi Khush Hoon k Tum Jeet To Gaey,
Qismat Main Meri Maat Thi So Maat Reh Gai,

Daaman Main Kya Rakha Hai Is K Siwa Bas,
Bakhshay Jo Tu Nay Zakhm Wo Soughaat Reh Gai,

Kya Kya Badal Rahay Hain Yahan Mousam Khabar Nahi,
DiL K Nagar Main Raat Thi So Raat reh Gai... )

SaiN

kuch dil ki laghi

Kuch Dil Ki Lagi Tum Chero,
Kuch Dil Lagana Hum Sikhayen..

Kuch Pyar Ki Baatein Tum Karo,
Kuch Pyar Nibhana Hum Sikhayen.

.Kuch Nazar Ka Ishara Tum Karo,
Kuch Aankh Milana Hum Sikhayen..

Kuch Jan KI Baazi Tum Lagao,
Kuch Jan Sey Jana Hum Sikhayen..

Kuch Thora sa Hans K Tum Dakho,
Kuch Muskurana Hum Sikhayen..

Kuch Milney Ki Aas Tum Do,
Kuch Waqt Pey Aana Hum Sikhayen..

Dil Per Tum Bus Hath Rakh Do,
Kuch Dil Dharkana Hum Sikhayen..

Kuch Pyar Sey Paas Tum Aao,
Kuch Galey Lagana Hum Sikhayen

tere khushbuu men base Khat main jalaataa kaise

tere khushbuu men base Khat main jalaataa kaise
pyaar men Duube huye Khat main jalaataa kaise
tere Khat aaj main gangaa men bahaa aayaa huuN
aag bahate hue paanii men lagaa aayaa huuN

jin ko duniyaa kii nigaahon se chhupaaye rakhaa
jin ko ik umr kaleje se lagaaye rakhaa
diin jin ko, jinhen iimaan banaaye rakhaa

tune duniyaa kii nigaahon se jo bachkar likhe
saalahaasaal mere naam baraabar likhe
kabhii din men to kabhii raat men uThakar likhe

pyaar men Duube huye Khat main jalaata kaise
tere haathon ke likhe Khat main jalaata kaise
tere Khat aaj main gangaa men bahaa aayaa huuN
aag bahate huye paannii men lagaa aayaa huuN

Sab kuch milta hai is jahan mein Saquib

Sab kuch milta hai is jahan mein Saquib
Nahin milta to guzra hoa pal nahin milta

Kartey rahen ge younhi sairab zameenen
In aansoon ko ab koi aanchal nahin milta

Ghurbat mein mayyasar kahan khushion ki dilbari
Sehra mein kisi ko kabhi baadal nahin milta

Kahney ko gham khowar-o-chara saaz hain bohat
Amlann kisi ke saath koi shamil nahin milta

Ham imaan ki dolat liye shahadat ke muntazir
Hamari safon mein koi buzdil nahin milta.

Door jate howe logoo ko bulate rehna.

Lakh doori ho magar ehad nibhate rehna.
Jub b barish ho mera soog manate rehna.

Tum gay ho to sari shaam ye adat tehri.
Bus kinare pe khare hath hilate rehna.

Jane is dil ko ye adab kahan se aaye.
Us ki rahoo me nigahoo ko bichate rehna.

1 modat se ye maamool howa hai ab to.
Aap hi roothna aap hi manate rehna.

Tum ko maaloom he Saqi, ye pagal pan he.
Door jate howe logoo ko bulate rehna.

Wastay nahi chaltay

Sochnay samajhnay say,
sath sath chalnay say,

doriyan simat ti hain,
faslay nahi chaltay,

khawab khawab ankhon main,
ratjagay nahi chaltay,

darguzar k halqay main,
maslay nahi chaltay,

dosti k raston ki,
parwarish zarori hai,

dosti k rastay main,
khafgiyan nahi chalti,

do dilon ki qurbat main,
Teesra nahi hota,
wastay nahi chaltay.

Sadion say jaagi aankhon ko ...

Sadion say jaagi aankhon ko ek baar sulanay aa jao
Mana k tum ko pyar nahi nafrat hee jatanay aa jao

Jis mor pay hum ko chor gaye hum baithay ab tak soch rahay
Kya bhool hui kyou juda huway bus yeh samjhanay aa jao

Har lamha teri furqat mein hum tarsay rahay
Meri manoo tum is dil ko kuch pal behlanay aa jao

Iss baar kuch aisa mein chahta hoon

Iss baar kuch aisa mein chahta hoon
Tum ko apna banaana chahta hoon

Bhula kar apne sab gham
Tumhe dilse apnana chahta hoon

Tumhe tumhari ijazaat se
Apne dil mein basana chahta hoon

Apne naam k saath joar kar tumhara naam
Duniya ko sar-e-aam dikhana chahta hoon

Kab ho Qubooliyat ki ghari na jaane
Tumhe har dua mein mangna chahta hoon

Ho jaao tum meri aur main tumhara
Harr pal bas yehi ehsaas chahta hoon

Tum se hi ki bass mohabbat main ne
Apni sari zindagi tumhare sang chahta hoon

Karta hoon aaj main ye iqraar
Main bass tumhe bass tumhe hi chahta hoon

Haq ke saath kahoon tumhe main apna
Tumse bass aaj main yehi raza chahta hoon

Waqt-e-dua main ek dua karon

Waqt-e-dua main ek dua karon,
main rab se ek eltija karon,

tu khush rahe,
tu shaad rahe,
teray dil ka angar abaad rahay,
tu har pal yun hi hansa kare,
tu phulon ki manind khila kare,
teri zindagi main koi ghum na ho,
teri aankh kabhi num na ho,
tujhey kisi se koi gila na ho,
koi dukh tujhey mila na ho,
teri rad kabhi dua na ho,
tee lab py koi sada na ho,
tujhey bin mange wo ataa karay,
teri maaf her ek khata karay....!

Ameen..!