Ghazal SMS collection in roman urdu.
Dost dushman nazar nahin atay
Ab to pather bhi ghar nahin atay
Sub ko roona mera mazaq lagay
Ashq aankhon main bhar nahin aatay
Baap say pocho kia guzarti hai
Baitiyon k jo bur nahin aatay
Mujh say pocha yeh raat wehshat nay
aaj kal aap ghar nahin aatay,
Dosti ho gaye sitaron say,
Khuwab ab raat bhar nahin aatay
Ek tamanna hai fakat mujh pey meharban raho
tum kisi aur ko dekho to bura lagta hai
Mery chahat ka takaza hai mere sath raho
ghair ka hath jo thamo tu bura lagta hai
Arzo hai tere her roop ko her pal dekhon
tum mere pas sey utho tu bura lagta hai
Roz-e-shab aaj b perwa hai tumhari mujh ko
tum kisi aur ko socho tu bura lagta hai
Ye mery rooh tarasti hai tumhari khushbo ko
tum kahin aur ja k mehko to bura lagta hai
Kitab-e-dil pe likhay thay kitnay he afsanay
kuch qisse naye thay aur kuch berson puranay
Kuch un ka zikr jo kabhi rug-e-jaan se they qareeb
kuch wo jo aaj bhi lagtay hain begaanay
Kaash aisi koi rut koi moosam aaye
khushiyon bhare geet hum lagein gungunanay
Aaj bhi dil mera is aas pe zinda hia
aik roz to aayein ** wo hum ko mananay
Safha-e-dil ko koi humare perh ker dekhay
khoon-e-jiger se likhay hain sab afsaanay
Guzra howa zamana bhula do zehen se apnay
aatay nahi loat k beetay howe zamanay
Usy ye baat samjhao tumhain koi yad karta hai,
kabhi to milne ajao tmhy koi yad karta hai.
Hamare sheher se jab tm gye thy hum ne na roka,
hamare dil se mat jao tmhy koi yaad karta hai.
Tumhare naam ki har shay wahin mojud hai lekin,
kabhi khud bi chale aao tumhe koi yaad karta.
Udaas shamon me lot kr wo aana bhol jata tha,
Kr k khafa mujhko manana bhol jata tha,
Inhi aaditoon ne uski mujhe badnam kr dala,
Wo likh k naam dewaron pe mitana bhol jata tha,
Mat poch muhabat mai laa parwahi uski,
Dy k zakham wo marham lagana bhol jata tha,
Kitna dilnasheen hota tha uski yaad ka manzr,
Wo jb bi yaad aata tha zamana bhol jata tha..!
Kabhi waqt mile to aajao,
Ham jheel kinare ja baithen,
Tum apne sukh ki baat karo,
Hum apne dukh ki baat karain,
Aur un lamhoon ki baat karain,
Jo sung tumhare beet gaye,
Aur ehd-e-khizan ki nazar howy,
In sabz ruton k daman mai,
Hum pyar ki khushbo mehkain,
In bikhray sabz nazaron ko,
Ham aankhon men tasveeer karain,
Phir apne pyar k jado se,
Hum lamhoon ko jageer karain,
Kabhi waqt milaye to ajao...
Hum jheel kinare ja baithen
Na jo thum sakay kisi aur say,
Main bujhta aik chiragh hoon,
Mera room room dard dard,
Meray dukh ka sira nahin,
Meri laghzishon main pali barhi,
Koi khoi kahani bhi hai,
To jo sath hai to sukoon naheen,
To jo rooth gia to azab hai,
meri zindagi hai aik goo mago,
mujhay roshni milti naheen
Main Titli Ko Sula Doon Ga Zara Tum Shaam Honey Do,
Main Jugnoo Ko Jaga Doon Ga Zara Tum Shaam Honey Do !
Kahan Aaghaz Hota Hai, Kahan Anjaam Hota Hai,
Huner Saarey Sikha Doon Ga Zara Tum Shaam Honey Do !
Mujhey Itni Mahaarat Hai Ke Main Saada Say Lafzon Mein,
Tumhein Dilkash Bana Doon Ga Zara Tum Shaam Honey Do !
Mairi nam-naak Nazron Ko Na Daikho Tum Haqaarat Say,
Main Tum Ko Bhi Rula Doon Ga Zara Tum Shaam Honey Do!
Rooh jab wajad me aaye to gazal hotii hai
ya koi dil ko dukhaaye to gazal hotii hai
bheegti raat me jab gham ki fizaaon ka sukoot
dil me ik hashar uthaaye to gazal hotii hai
ishq ki aatish-e-khaamosh jab chupay chupkay
aag seenay me lagaaye to gazal hotii hai
kabi mehfil me kabi goshaa-e-tanhai me
koi reh reh k rulaaye to gazal hotii hai
gham-e-jaana hi se mukoof nahen sher-o-gaal
gam-e-duraan b sunaaye to gazal hotii hai!!!
Alwida keh kar usey takta raha mein der tak,
Aatish-e-khamosh me jalta raha mein der tak,
Shehr ki veeraan galyoon me akela raat bhar,
Ik musaafir ki tarha phirta raha mein der tak,
Aasmaan par ek adhoora chand or bikhrey taarey,
Intezaar-e-subhu me ginta raha mein der tak,
Sochta hon kis liye bujhta chala jata he dil,
Baad us ke ji ko behlata raha mein der tak,
Kis qadar maazi ki yaadein talkh or be dard hein,
Neend kho kar aankhon se rota raha mein der tak,
Haal us ne bhi na poocha jo mera hamraaz tha,
Aahein us ke roobaroo bharta raha mein der tak.
Us k labon pe raat kahani ghazab ki thi,
Jazbat beh rahe they rawani ghazab ki thi,
Raja bhi la jwab tha wadi-e-ishq ka,
Lekin dayar-e-husn ki rani ghazab ki thi,
Kya kya na shaam i meri umar main magar,
Guzri jo tere sath sohani ghazab ki thi,
Dekhi hay main ne shaher main charti jawanyan,
Lekin jo tujh pe i jawani ghazab ki thi,
Main ek umr tak likhta raha dastan-e-gham,
Jo tum ne sunai wo kahani ghazab ki thi,
Anso judai yad , aur sham e gum mohsin,
Us be wafa ki hr ik nishani ghazab ki thi.!
Udaas Dil Ki Veeraniyon Mein Bikhar Gaye Hain Ghulab Saare,
Yeh Meri Basti Se Kon Guzra Nikhar Gaye Hain Ghulab Saare,
Woh Door Ho To Haqeeqaton Par Saraab Ka Ek Gumaan Sa Ho,
Woh Pass Ho To Gumaan Ho Ke Haqeeqatein Hain Saraab Saare,
Na Jane Kitni Shikayatein Hain Na Jane Kitne Gile Hain Dil Se,
Jo Unko Dekha To Bhool Baithe Sawal Saare Jawab Saare,
Jo Tu Na Hota To Kis Tarah Meri Soch Ko Phir Haroof Milte,
Bas Ek Tumhi Ne De Diye Hain Kitaab Ko Meri Baab Saare.